band2生派到band1中學其實係咪好事?

Rpp

好睇個人有無堅定的意志力，同家庭有無資源支援，今日收到小學同學既不好消息，當年抽獎入左1A中學，學習成績一直跟不上，經常進出醫院住院，又受到同學杯葛情緒有問題。

Raccch

回覆 Rpp 的帖子

做家長見到欺凌同杯割真係好難受，係學校既社交真係好難幫到小朋友，反而成績唔好家長仲可以做啲嘢。成績唔好再加社交遇挫，對小朋友真係打擊幾大下，家長只能夠慢慢同佢建立起信心。

Rpp

Raccch 發表於 24-8-6 10:27
回覆 Rpp 的帖子

做家長見到欺凌同杯割真係好難受，係學校既社交真係好難幫到小朋友，反而成績唔好家長仲 ...

認識呢個例情況細節我比較清楚，因為一齊玩到大，家長要負起全部責任，無幫小朋友轉校，同埋英文根基非常差。又無過多資源支援，資質又平庸。

Raccch

回覆 Rpp 的帖子

咁聽落家長真係冇做到乜嘢，可能諗住入咗好學校仔女就會自動變好。邊有咁神奇，小朋友叻唔叻主要都係靠屋企教養，如果咁簡單入咗好學校就搞掂，咁間間B1a B1b 入大學率就全部100%啦。

piglover

Rpp 發表於 24-8-6 10:35
認識呢個例情況細節我比較清楚，因為一齊玩到大，家長要負起全部責任，無幫小朋友轉校，同埋英文根基非常 ...

英文底太差，讀英中，真係玩死小朋友。

讀中中，可以學好其他科，仲會有多d時間學好英文。

唔好以為入英中，英文自然會好㗎。

有好多小學成績平平，但英文好嘅小朋友，上到英中，就會跑到出嚟。

bananaGi

小學有個b2 sen, 佢區有多間女校, 比佢抽到1a. 今年升s2. 仍然keep住墊底人生.  只見到佢吃力, 唔覺有令佢提升.

不過媽媽有光環

kkmm22

朋友個仔好努力咁chur呈分，上到band 1 C，抽獎抽入間1 A，第一年S 1已經要留班

bananaGi

昨日有個小五家長朋友問, 二線級中, 但英文fail, 想入英中. 如果英文fail, 好似當b3了.

nvda

情況就等於本身做人條靚 無啦啦公司升你做亞太區既頭

smallsnowman

melody765 發表於 24-7-15 12:30
見到有家長話仔女原本係band2,派到band1好開心,但其實讀上去係唔係跟得上?定係讀書風氣會令到學生潛移默化? ...

都係好事

twhkleung

Raccch 發表於 24-8-6 11:54
回覆 Rpp 的帖子

咁聽落家長真係冇做到乜嘢，可能諗住入咗好學校仔女就會自動變好。邊有咁神奇，小朋友叻 ...

其实小朋友成长同学习, 家長既責任唔会比学校少.

sweatbuckets

宜家好多野唔同，以前我仲係小朋友，未必會理會自已同同學仔係乜band物band，宜家唔同晒，未開學就聽到，有個b2生入左來。本來夠唔夠班冇所謂，但今時今日b2生係比以前更多野要面對。

傻太

bananaGi 發表於 24-8-7 11:08
小學有個b2 sen, 佢區有多間女校, 比佢抽到1a. 今年升s2. 仍然keep住墊底人生.  只見到佢吃力, 唔覺有令佢 ...

B2係1a升到班已經好叻叻

itsgrace

kkmm22 發表於 24-8-10 01:06
朋友個仔好努力咁chur呈分，上到band 1 C，抽獎抽入間1 A，第一年S 1已經要留班
...

我都正想講
一位家長群組的朋友跟我解釋過, 由於統計分布的關係, B2A和B2C的學生實力差距不會太多
但B1A學生和B1C學生的差別就是天和地了粗略的理解是(不知以我有限又已遺忘的統計知識有沒有記錯或理解錯):
1A頭和1C尾相差約2.5個標準差的成績
但2A和2C只相差大約1個標準差
而一般學生要追1個標準差的成績, 只要努力是很大機會的
即是說, 由2B追1 個標準差是可以上到穩1C水平
但是2C追1個標準差到1C成績好彩入到B1學校, 也最多是1C的墊底了

ckcleung

香港七十年代，政府為左解決嬰兒潮問題，曾經有兩年將現時界定為B3學生派去B1(有D甚至派去B1A）學校，原定讀三年，後期改為讀五年。
學校仲會將B3 學生集中分為兩班。雖然有少少改進，但結果都係慘淡收場。原因一，學生基礎十分參差，好難跟上英中進度。原因二，老師唔會專登另備一份教B3學生既教程，佢地都教得相當吃力。

LeeCC

ckcleung 發表於 24-9-10 08:12
香港七十年代，政府為左解決嬰兒潮問題，曾經有兩年將現時界定為B3學生派去B1(有D甚至派去B1A）學校，原定 ...

70年代應該1978年第一年學能測驗派位，當年係分5個band，免費教育到中三

有親戚65年出世，因為成績唔好，學校建議佢小五留班，就可以參加第一屆派位，至少可以讀到中三，咁計返，第一屆應該係1978年

猴子爸

LeeCC 發表於 24-7-15 16:23
視乎band 2原因是因為偏科，還是各科都只是band2水平

識人小六band2,數強中英弱，入band 1尾，初中數理科 ...

这个case也要看那间B1C中学如何选人入理科。如果是计算总平均分，你所说的学生，F3成绩应该会被中西史地理严重拖累，恐怕入不到理科，在F4 都还是需要跟中西史地理打交道。

Poyau

LeeCC 發表於 24-9-10 08:36
70年代應該1978年第一年學能測驗派位，當年係分5個band，免費教育到中三

有親戚65年出世，因為成績唔好 ...

學能測驗由二○○○至○一學年起取消
＊＊＊＊＊＊＊＊＊＊＊＊＊＊＊＊＊
https://www.info.gov.hk/gia/general/200007/04/0704161.htm

　　政府今日（七月四日）宣布，行政長官會同行政會議已決定於九月開始的二○○○至○一學年取消學能測驗。

　　教育統籌局局長羅范椒芬在記者會上表示，鑑於公眾普遍支持盡快取消學能測驗，政府已決定接納教育統籌委員會（教統會）的建議，由二○○○至○一學年起取消這項測驗，目的是希望為學校和教師創造空間，使他們可把時間和精力專注於學生的全人發展，例如加強德育、培養學生的學習興趣和鞏固他們的中、英、數基礎等。

　　學能測驗的實施始於一九七八年，作為中一派位提供調整校內成績的工具。這項測驗評核學生的推理能力，所以學生並無需要作事前的準備，但因這是一項高風險的評核，每間學校的學能測驗成績影響其學生的派位結果，所以逐漸出現操練學生應付學能測驗的現象，影響學生的正常學習生活，妨礙他們的全人發展。事實上，香港現時實施九年義務基礎教育，每位小六學生都必會獲派中一學位，所以嚴格來說，並沒有必要實施為中一派位而設的高風險公開評核。

　　羅太說：「至於升中派位的取代機制，公眾對教統會建議的過渡方案，一般都認為可以接受。所以，政府同意在二○○○至○一學年基本上以學校過去三年學能測驗成績的平均值調整學生的校內成績，作為劃分派位組別的依據，但我們仍希望就過渡機制的細節，包括是否在二○○○至○一學年把五個組別減至三個、中學自行收生的比例、過渡期應維持多久及對新校的安排等問題，繼續聽取公眾意見，在諮詢期結束後才作最後決定。」

　　「此外，為了幫助減輕教師的工作量，使他們可專注於發展課程、提高學生語文能力及照顧學生的能力差異，政府計劃向立法會財務委員會申請，把二○○○至○一年度財政預算中預留作推行教育改革之用的八億元，撥出其中五億元予中、小學，讓學校可因應本身的情況和需要，增聘所需的額外人手或顧用外間提供的服務，提高教與學的成效。」

　　教統會現仍繼續就升中派位機制及其他改革方案諮詢公眾，希望社會各界人士在七月三十一日諮詢期結束前，積極提出意見。

完

二○○○年七月四日（星期二）